Júníana litla - Húfa

Um húfuna:

Ég elska að taka gömul klassísk munstur og breyta, bæta og útfæra á minn hátt. Í þessa húfu valdi ég einmitt að gera það, en úrtakan var viss áskorun og þurfti margar tilraunir til að fullkomna hana.

Húfan er prjónuð fram og tilbaka, á sokkaprjóna.

Stærðir: 0-3 mán, 3-6 mán, 6-12 mán 12-18 mán

Garn: Dale Lille Lerke  50 gr. í allar stærðir. 
Einnig má nota hvaða annað garn sem er, sem passar prjónfestunni. Athugið þó að magnið getur breyst ef annað garn er notað.

Prjónfesta: 26 lykkjur á 10 cm í sléttu prjóni.

Að mati prufuprjónara er þetta í erfiðleikastigi 3 (af 5 mögulegum, þar sem 1 er afar auðvelt, og 5 er mjög erfitt). 
Sú einkun kemur til af þeirri einbeitingu sem þörf er á þegar munstrið er sett niður og úrtakan prjónuð.