knitbysteinUNN

Vinkonusettið - Buxur

Tilboðsverð Verð 760 kr Fullt verð 950 kr

VSK innifalinn. Sendingarkostnaður reiknast ef við á í pöntunarferli.

Stundum langar mann bara til að gefa vinkonum sínum eitthvað fallegt.

Samstarfskona mín á vinkonu sem er af erlendu bergi brotin. Hún á von á barni snemma í vor en á enga ættingja hér á landi; engar ömmur, systur eða frænkur sem geta prjónað fyrir barnið. Þetta fannst vinkonunni ótækt; öll lítil börn þurfa að fá handprjónuð föt að hennar mati, svo hún bað mig um að bjarga málunum.
Því varð vinkonusettið til.

Í þessu ungbarnasetti eru romper, peysa, buxur og húfa. Peysan er til í tvenns konar útgáfu, hneppt eftir miðju og hneppt í vinstri hlið.

Buxurnar eru prjónaðar í hring, ofan frá og niður með stuttum umferðir til að gera pláss fyrir bleiuna og mynsturröndum niður með hliðum. Skálmar eru prjónaðar hvor í sínu lagi. Í stroffinu í mittið eru gerð göt fyrir snúru ef vill.


STÆRÐIR
Nýburar / 0-3 mán / 3-6 mán / 6-9 mán

UMMÁL
36,40, 44, 48, cm

GARN
Dale Lille lerke eða það garn sem passar prjónafestunni.
100, 100, 100, 150 gr

Athugið að ef annað garn er valið getur það haft áhrif á stærð flíkurinnar auk þess sem magnið gæti breyst.

PRJÓNAR
Hring- og sokkaprjónar # 2,5 og hringprjónn # 3,0

PRJÓNAFESTA Í SLÉTTU  PRJÓNI
26 L = 10 cm

ANNAÐ SEM ÞARF AÐ HAFA VIÐ HÖNDINA
Prjónamerki
Skæri, nál

Að mati prufuprjónara er þetta í erfiðleikastigi 3 (af 5 mögulegum, þar sem 1 er afar auðvelt, og 5 er mjög erfitt).