knitbysteinUNN

Sóley, ungbarnasett - Peysa

Tilboðsverð Verð 950 kr Fullt verð 950 kr

VSK innifalinn. Sendingarkostnaður reiknast ef við á í pöntunarferli.

Ég var beðin um að prjóna fallegt heimfararsett fyrir dóttur samstarfskonu minnar. Þær mæðgur höfðu ákveðnar hugmyndir um hvernig það ætti að líta út, en treystu mér til að útfæra og hanna.  Ég tók þessari áskorun með gleði og þakklæti, og bjó til sett sem mér sjálfri finnst einstaklega fallegt, stílhreint og tímalaust.

Settið ber nafn barnsins að ósk móðurinnar.

Í settinu eru buxur, peysa og tvær húfur – af því að sumir vilja „venjulega“ húfu, en aðrir vilja kjusu.
Tvenns lags útfærslur eru á mynstrinu þannig að hver og einn getur valið það sem þeim líst betur á.

Peysan er prjónuð ofan frá og niður, fram og tilbaka. Munstur er á bol og neðst á ermum.
Tölulisti er prjónaður eftirá.


STÆRÐIR
Nýburar / 0-3 mán / 3-6 mán / 6-9 mán

UMMÁL
42, 45, 47, 50 cm

GARN
Dale Baby ull eða það garn sem passar prjónafestunni.
100, 100, 100, 150 gr

Athugið að ef annað garn er valið getur það haft áhrif á stærð flíkurinnar auk þess sem magnið gæti breyst.

PRJÓNAR
Hringprjónar, lengd valfrjáls # 2,5 og 3,0
Sokkaprjónar # 2,5 og 3,0

PRJÓNAFESTA Í SLÉTTU  PRJÓNI
28 L = 10 cm

ANNAÐ SEM ÞARF AÐ HAFA VIÐ HÖNDINA
Nokkur prjónamerki
5-8 tölur
Skæri, nál

 Að mati prufuprjónara er þetta í erfiðleikastigi 3 (af 5 mögulegum, þar sem 1 er afar auðvelt, og 5 er mjög erfitt).