Ljúfa - smekkbuxur

Buxurnar eru prjónaðar neðan frá og upp. Skálmarnar og bolur eru prjónað í hring en smekkur, afturstykki, bönd og pífur eru prjónuð fram og tilbaka. Ég mæli ekki með mjög þykku garni í þessar buxur þar sem að smekkurinn verður þá alltof þungur með pífurnar.
Þú þarft að vera með tölur og nál til frágangs.

Stærðir: (0-3 mánaða), 3-6 mánaða, (6-9 mánaða), 9-12 mánaða, (1), 2, (3), 4 ára

Prjónfesta: 23 lykkjur og 33 raðir = 10x10 sentímetra í sléttu prjóni á prjóna nr. 3,5

Prjónar:  3 mm sokkaprjónar og 3,5 mm sokkaprjónar og hringprjónar (40 eða 60 sm)

Tillögur af garni: Merino 22 eða Dale lerke eða annað garn sem passar prjónfestunni.
Magn:(150), 150, (150), 200, (200), 250, (250), 300 gröm

Uppskriftin er í umboðssölu hjá Prjónaklúbbnum (Pk) og er því ekki á vegum eða á ábyrgð fyrirtækisins. Höfundur hennar hefur falið fyrirtækinu að annast sölu hennar með samningi þar að lútandi, en í honum stendur m.a. „[höfundur]  má einungis fela Pk sölu á uppskriftum þeim sem hún/hann  gefur út sem sitt eigið hugverk. Pk ber enga ábyrgð komi í ljós misbrestur þar að lútandi s.s. ritstuldur eða annað áþekkt.“