Lísa

Peysan Lísa varð til þegar ég sat heima hjá mér í Noregi með heimþrá til Íslands i miðju Covid tímabilinu. Svo gekk ég með hugmyndina í maganum í nokkra mánuði áður en ég fékk hvatningu til að skella henni í framkvæmd. Þá var ekki annað en að drífa í þessu, og með aðstoð snöggra prufuprjónara varð íslenska lopapeysan mín að veruleika og stóðst allar mínar væntingar. Lísa er æðislega hlý og falleg peysa, tilvalin á leikskólann, bæði í Noregi og á Íslandi. Peysan er einföld peysa með einum aðallit og tveimur munsturlitum. Munsturlitur B fær að njóta sín svolítið og er munstrið á ermum og á berustykki. Ég gerði uppskriftina með garnið Úlf í huga sem er frá kindknitting.

 Lísa er prjónuð slétt í hring, neðan frá og upp með úrtöku í munstri.

Garn: Úlfur frá Kind garn (fæst hjá okkur) eða sambærilegt svo sem Léttlopi.

Til að prjóna Lísu þarf: Sokkaprjóna (eða langan hringprjón fyrir magic loop) í st. 3.5 mm og 4.5 mm, 40-60 cm hringprjón í st. 3.5 og 4.5 mm og prjónamerki.

Prjónafesta er 18:10 á prjónastærð 4.5

Þessi uppskrift er í umboðssölu hjá Prjónaklúbbnum (Pk) og er því ekki á vegum eða á ábyrgð fyrirtækisins. Höfundur hennar hefur falið fyrirtækinu að annast sölu hennar með samningi þar að lútandi, en í honum stendur m.a. „[höfundur]  má einungis fela Pk sölu á uppskriftum þeim sem hún/hann  gefur út sem sitt eigið hugverk. Pk ber enga ábyrgð komi í ljós misbrestur þar að lútandi s.s. ritstuldur eða annað áþekkt.“