Prjónaklúbburinn

Húfunámskeið

Tilboðsverð Verð 13.000 kr Fullt verð

VSK innifalinn. Sendingarkostnaður reiknast ef við á í pöntunarferli.

Námskeiðið er ætlað þeim sem lært hafa undirstöðuatriðin en vilja kafa dýpra.

Kennt á þriðjudögum og fimmtudögum 11.febr., 13.febr. 18.febr., 20.febr. Staðsetning: RKÍ Eyrarvegi 23, Selfossi
Tími: 19:30-21:00
Alls 6 klst auk heimavinnu á milli kennslustunda. 

Kaffi og súkkulaði á staðnum

Kennarar eru tveir af eigendum Prjónaklúbbsins, Steinunn Kristín (knitbysteinUNN) og Ólöf Inga (Kind knitting). Steinunn hefur prjónað í fjölda ára og kallar fátt ömmu sína þegar kemur að prjónaskap. Ólöf Inga hefur einnig prjónað í mörg ár,  en hún er lærður textílhönnuður og kennari. 

Á námskeiðinu..
• Rifjum við upp nokkrar aðferðir uppfits og affellinga.
• Gerum prjónfestuprufu og áttum okkur á hvers vegna þær eru mikilvægar. 
• Verður farið yfir hvernig á að lesa uppskriftir
• Prjónum við einfalt mynstruprjón eftir uppskrift (teikningu) 
• Förum í útaukningar og úrtökur. 
• Prjónum við (einlita) húfu með mynstri.

Innifalið í námskeiðsgjaldinu er ein húfuuppskrift frá knitbysteinUNN/Kind knitting og geta þátttakendur valið að prjóna þá sem þeim líst best á. 

Garn og/eða prjóna er hægt að kaupa á staðnum á tilboðsverði en þátttakendum er að sjálfsögðu frjálst að koma með sitt eigið. Athugið að grófleiki garnsins og stærð prjónanna þarf að passa saman, best er að vera með garn í sk. DK grófleika, en það garn er gefið upp fyrir prjóna nr. 4.

*Lágmárksþáttaka er 5. Ef tilskilinn fjöldi næst ekki áskiljum við okkur rétt til að fella námskeiðið niður og endurgreiðum þá að sjálfsögðu námskeiðsgjald.