knitbysteinUNN

Flétta - hálfhneppt peysa

Tilboðsverð Verð 950 kr Fullt verð 950 kr

VSK innifalinn. Sendingarkostnaður reiknast ef við á í pöntunarferli.

Ein af öflugari prjónakonum sem ég þekki, hún Bryndís, yndisleg samstarfskona mín, bað mig um að skrifa fyrir sig uppskrift að fallegri húfu. Hún er mikill fagurkeri og nostrar við smáatriði, öll þessi litlu atriði sem skipta svo miklu máli í heildarmyndinni. Þess vegna þótti mér afar vænt um að fá svona beiðni frá henni. Þegar húfuuppskriftin var tilbúin fannst mér alveg tilvalið að gera peysu í stíl, því þetta mynstur finnst mér afar fallegt og henta vel framan á peysu.


Peysan er prjónuð ofan frá og niður. Hún er með hneppt hálsmál og því er hún til að byrja með prjónuð fram og til baka en að loknu síðasta hnappagatinu er tengt í hring.

Stærðir: 9-12 mán, 1, 2, 3, 4, 5-6, 7-8 ára

Garn: Dale Lerke 
150, 200, 200, 250, 250, 300, 350 gr.

Einnig má nota t.d. Dale Lanolin eða það garn sem passar prjónafestunni. Magnið miðast við Lerke. Ef annað garn er notað er líklegt að garnmagnið breytist.

Prjónfesta: 22 lykkjur á 10 cm í sléttu prjóni á prjóna nr.4

Prjónar: Hring- og sokkaprjónar nr. 3 og 4

 Að mati prufuprjónara er þetta í erfiðleikastigi 3 (af 5 mögulegum, þar sem 1 er afar auðvelt, og 5 er mjög erfitt).