knitbysteinUNN

Sóley, ungbarnasett - Buxur

Tilboðsverð Verð 950 kr Fullt verð 950 kr

VSK innifalinn. Sendingarkostnaður reiknast ef við á í pöntunarferli.

Ég var beðin um að prjóna fallegt heimfararsett fyrir dóttur samstarfskonu minnar. Þær mæðgur höfðu ákveðnar hugmyndir um hvernig það ætti að líta út, en treystu mér til að útfæra og hanna.  Ég tók þessari áskorun með gleði og þakklæti, og bjó til sett sem mér sjálfri finnst einstaklega fallegt, stílhreint og tímalaust.

Settið ber nafn barnsins að ósk móðurinnar.

Í settinu eru buxur, peysa og tvær húfur – af því að sumir vilja „venjulega“ húfu, en aðrir vilja kjusu.
Tvenns lags útfærslur eru á mynstrinu þannig að hver og einn getur valið það sem þeim líst betur á.

Buxurnar eru prjónaðar í hring, ofan frá og niður með stuttum umferðir til að gera pláss fyrir bleiuna. Skálmar eru prjónaðar hvor í sínu lagi. Í mittinu er strengurinn festur niður að innanverðu og band þrætt inn í hann ef vill. Munstur er prjónað neðst á skálmar, annað hvort með útfærslu A) eða B).


STÆRÐIR
Nýburar / 0-3 mán / 3-6 mán / 6-9 mán

UMMÁL
38, 40, 44, 50 cm

GARN
Dale Baby ull eða það garn sem passar prjónafestunni.
100, 100, 100, 150 gr

Athugið að ef annað garn er valið getur það haft áhrif á stærð flíkurinnar auk þess sem magnið gæti breyst.

PRJÓNAR
Hringprjónar, 40 cm # 2,5 og 3,0
Sokkaprjónar # 2,5 og 3,0

PRJÓNAFESTA Í SLÉTTU  PRJÓNI
28 L = 10 cm

ANNAÐ SEM ÞARF AÐ HAFA VIÐ HÖNDINA
Nokkur prjónamerki
Skæri, nál

Að mati prufuprjónara er þetta í erfiðleikastigi 3 (af 5 mögulegum, þar sem 1 er afar auðvelt, og 5 er mjög erfitt).